على الله لا ضاق الصدر نكشف المستور =ونبحث خفا نفسٍ على الوقت صباره

الا يالله انّك داري اني هنا مقهور =اجـــر النسـم تاره وادف النســم تاره

وانا دمع عيني لنتثر ياهلي مجبور=لـن الليــالي ببـــن الاجــواد غـــداره

علمٍ سرح لي صبح يومٍ وماله نور =ســواده عظيــم وناقلـه مالــه بشـــاره

يقول انّ ( ابن مشهى ) بيمسي وهو مقبور=وعينــه طفـت لكنّهــا مَنطفـت نـــاره

كنّه رمى قلب ابن عمه ببو شرشور =اليـا انبطــح له واحــدٍ ياخــذ بثــــاره

جريت المطار وكني اجري على مكسور =واليـا تهشـــّم ما نـدور لــه جبــــاره

وقال اطلب الله مالقيت لجوازك دور =تعــال بكــره يمكن نشوف لك حـاره

وقلنا على الله والحزن فالصدر محفور= وكـم واحــدٍ حزنه برَد ســاع دبـــّاره

( سلطان ) ياوين انت ؟ ياللي عليك الشور =يبـدي ويلقـى له عقــل ترجح اشواره

شيخ القبيله راسهم جدك المخبور = غدت به مقادير الزمن واقفت اخبـاره

شولاه يمنىً تصفق الوقت لين يدور= وحربه ضروس وغارته بعدهــا غـاره

كبير الجهد نعم السند مزبن المنعور =لا ضاق بـه ثوبه وبيّــح لــه اســراره

عند الخوي درعٍ قوي يحمي المغدور =يـاقف معه ليـن الفجــر تقبل انــــواره

كريم السجايا والإسم ظاهر ومشهور =إسمـه لحاله شرّف اسمــي بمقـــداره

ابكيه لين ابكيت له من بنات الحور =عذرىً على قبره مع الفجـــر مطّـاره

معذور يوم ابكيه واللي بكى معذور=( أبو مهدي ) يبكيه جاره قبـــل داره

واقول العوض من ربنا ناصر المنصور =وعشرين غارم قصرهم تشمخ اسواره

( سلطان يا سلطان ) والسور بعده سور=وان مات شاره قام قدم العرب شــاره

( وآل الشهي ) ربعي هلي والعروق تفور=ومن دونهم شلفـــاي لـلروس بتــــاره

وانا في الكويت آعيش صقرٍ وبين صقور =لكنّ صقــر يمـوت مــا يجفـي ديــاره

ان ما بنيت قصور لا ما هدمت قصور=وقصورنــا شمّخ ولاهيــب منهــــاره

بين النشاما ساعة الشان نلعب دور =والخيّب انذح به ورى وانذح بطاره


وان مات جدي قلت ياقلبي المفطور =اصبر وكلن لازم يواجه اقداره

والحمد لله والثنى له وهو المشكور = والموت حق وماخذٍ كل من زاره