قصيدة في الفخر بالقبيلة للشاعر ( مانع بن نتاش ) :

يلي جيت أعتزي وأقول ابن مجرب فأنا الخيال = زماناني وفي عرض الزمان المجد لي كله
سلاله من عجيم اللي يعطر ذكره الأجيال = صحاري نجد وقروم الجزيرة تشتكي فعله
سندها السيف وسنان الرديني يقهر العيال = شموخ جبال من يدخل ذراها ضلها ضله
لنا في ديرة أصحاب المكارم جولة ومقيال = يعيش بنا الجوير آمن بحد السيف والسله
مع حفظ الجوير لنا سيار وتشهده الأقيال = وثايق صفحة التاريخ تنشط فيه وتعله
بخامس جد تلزمنا العنوة والدليل يقال = يشاري بالعنوة والشعيب الخايف يحله
لنا في السوق جولة والحدود موثقة بأميال = ضمين ورادمة تحفظ حدود السوق وتظله
لنا فزعات والفزعة الأخيرة غرمنا رجال = شهيد وفي مواقف دعوت أهل الحق والمله
ومن قبله ارموز ومشهد ابن ادبيع رمز يقال= ثقيل الحمل وقف له سنان المجد ثم شله
وبن مردف مع الدولة بيوم(ن) يشبه الزلزال = وقف درع الحرم في ماقف مشهود يحسب له
كذاك الشامخ الوافي ورمزالعلم والمقبال = عريب الجد يابن الثور عسى الجنة مقام (ن) له
قبيلة سايدة ولها على متن الطوال حلال = وكلن يفتخر ايلي أعتزا بأصل (ن) توصل له
سفاير والختوم اللي عليها بصمة الأفعال = سنين أحداثها تشبه جواهر عقد منهلّه
كثير أحداث معروفة ولاتحتاج قولة قال = يسطرها القلم الأحمر على صفحات بالمله
رحل في سدنا حتى اليهودي والضمين ريال = عطا حق الضمان وخوفنا صانه من الزله
لمى شبت لهبها والرصاص يساق بالمكيال = بيوم (ن) قمطرير ومن لقاها علته عله
يوثقها الكبير يلين ياصل علمها الأطفال = لمى صارت وثايق من لهم تاريخ منحله