تكفون لو ضقت مروبي علي بيته=لا تحرمون المولع شوف خلانه
قدلي شهور ن من المحبوب ما ريته=وراعي الهوي شوفة الخلان سلونه
ياناعس الطرف قلب حسين تليته=عندك مفاتيح قلبه وانت سلطانه
مالك خشيرن بقلبي واستحليته=والقلب في وجه غيرك صك بيبانه
ما ترحم اللي تعذب منك واشقيته=ما دامت الروح في صفقتك شفقانه
ما ترحم اللي غبر الا يام كا ويته=حبك وحظي يدك القلب بكوانه
علي التغرب ظروف الوقت حاديته=ماله مجال ن عن الفرقا وحرمانه
العين سيف ن علي العشاق سليته=والصدر للخيل والفرسان ميدانه
ابوخدود ن كما البراق لي رايته=ومجدل ن تشتكي من كثرة امتانه
والعود غصن ن مزون الصيف مرويته=ياليت من عاد يجني غرس بستانه
حمام ياللي تجر الصوت لو جيته= سلم علي اللي سواد الليل باعياانه
ثم قله اني ذكرته ما تناسيته=ما دامت الشمس تشرق بين حجانه
ومن جر صوت ن علي الطاروق خاويته=اون واشكي ومنه العين سهرانه
والقلب عنده وبين ايديه حطيته=وانا بعيدن وخلي بين عربانه
ياكثر دمع ن علي فرقاه هليته=اطراف كمي من العينين غرقانه
واخاف لا ادعيه بسمه لا تبا طيته=بعض الغلا يفضح الرجال بركانه
الله يسعد حياته يوم طريته=والقلب عيده وفرحة شوف خلانه